Almaty ákiminiń orynbasary Erjan Babaqumarov KazMedConsult kompanıasynyń dırektory Kevın Frıkpen jedel medısınalyq kómek qyzmetin modernızasıalaý máselelerin talqylady, – dep habarlaıdy qalalyq ákimdiktiń baspasóz qyzmeti.

«Jedel qyzmetti» modernızasıalaý jobasy medısınalyq kómek kórsetýge halyqaralyq standartty engizýdi jobalaıdy.

Bulardan ózge, dıspecherlik qyzmetti modernızasıalaý, sonymen qatar saraptama men Big data óndeýiniń negizinde prosestiń sapasyn arttyrý quraldaryn qoldaný talqylandy.

Jedel qyzmetti modernızasıalaý aýrýhanaǵa jatqyzýdan bastap emdeýge deıingi kezeńderdegi medısınalyq qyzmettiń sapasyn arttyrýǵa múmkindik beredi.

«Sapaly medısınalyq qyzmetter – Almatyny damytýdaǵy negizgi basymdyqtardyń biri. Qala ákimi Baqytjan Saǵyntaev bul máselege erekshe nazar aýdarady. Onyń tapsyrmasy boıynsha biz barlyq medısınalyq mekemelerge aýdıt júrgizdik, nátıjesinde qala aýrýhanalary men emhanalarynyń joǵary núkteli quraldarmen jabdyqtalýy 60%-ke jýyq ekeni anyqtaldy», – dep habarlady E. Babaqumarov. Sonymen qatar, ol 2022 jyldyń aıaǵyna deıin qala medmekemeleriniń jabdyqtalýy kemdegende 90%-dy quraıtynyn atap ótti.

K. Frıktiń densaýlyq saqtaý salasynda, konstaltıngte, strategıalyq damýda jáne bıznesti damytýda kópjyldyq menedjerlik tájirıbesi bar.