Talǵar men Qaskeleńnen Almatyǵa elektr poıyzdary júrýi múmkin

Melis Seıdahmetov 10:31, 29 qazan 2019

/image/2019/10/29/crop-7_29_266x473_photo_223430.jpg

Bul týraly Almatyda prezıdenttiń qatysýymen ótken qalany damytý máseleleri jónindegi keńes barysynda shahar basshysy Baqytjan Saǵyntaev aıtty.

– Adamdar men avtokólikterdiń kún saıynǵy mıgrasıasyn tómendetý maqsatynda qala syrtyndaǵy qoǵamdyq kóliktikti damytý qajettiligi týýda. Qajetti sharalar bizdiń taraptan jasalyp jatyr. "Almaty – Uzynaǵash" baǵytyndaǵy poezd reısteri arttyryldy. Jańa jyldan bastap Qapshaǵaı baǵytyn iske qosamyz, – dedi Saǵyntaev.

Qala ákimi Almatyǵa aǵylatyn eńbek mıgranttarynyń basym kópshiligi Talǵar men Qaskeleń qalalarynan keletinin aıtyp, memleket basshysynan osy baǵyttar boıynsha elektr poıyzdaryn júrgizý máselesin qarastyrýdy surady.

– Elektr poıyzdaryna arnalǵan temir jol qurylysynyń QTJ-men birlesken nobaıy ázir. Úkimet pen "Samuryq-Qazyna" qorynan ákimshilikpen birlesip osy áleýmettik mańyzy bar jobany jasap, kezeń kezeńmen júzege asyrýdy suraımyz, – dedi Almaty ákimi.

Talǵar men Qaskeleńnen Almatyǵa elektr poıyzdary júrýi múmkin

Pikir qaldyrý

Qatysty Maqalalar