«Nur Otan» partıasy SHQO Besqaraǵaı aýdandyq fılıalynda "Partıalyq kadrlyq rezervke irikteý" taqyrybynda brıfıń ótti. Onda Besqaraǵaı aýdandyq fılıaly tóraǵasynyń birinshi orynbasary, brıfıń modetarory Omarov Bolat Ývalıuly partıalyq kadrlyq rezervke irikteý tártibiniń erejesi men ıadrolyq elektoratty qalyptastyrý týraly keńinen aıtty.

Brıfıńke «Nur Otan» partıasynyń hatshysy Ǵabıdolla Abdollauly Ospanqulov, «Nur Otan» partıasy Shyǵys Qazaqstan oblystyq fılıaly tóraǵasynyń birinshi orynbasary Muhtarhanov Ánýarbek Muhtarhanuly, blogerler, jýrnalıser, bastaýysh partıa uıymdarynyń tóraǵalary qatysty.

Aıta ketý kerek, partıalyq kadrlyq rezervke irikteý pılottyq rejımde Shyǵys Qazaqstan oblysynyń Besqaraǵaı aýdanynda ǵana ótedi.

Ótinim 2019 jyldyń 28 qazanynan 4 qarasha aralaǵynda qabyldanady.

İrikteýge Besqaraǵaı aýdanynda turatyn 20 jasqa tolǵan Qazaqstan Respýblıkasynyń azamattary qatysa alady.

– Partıalyq kadrlyq rezerviniń irikteýine tek "Nur Otan" partıasynyń músheleri ǵana emes, partıa qataryna qabyldanǵysy keletin azamattar da úmitker bola alady.

Partıalyq kadrlyq rezervke irikteý aǵymdaǵy jyldyń 21 tamyzynda Partıa Tóraǵasy, Elbasy, N. Á. Nazarbaevtyń Saıası keńesiniń keńeıtilgen otyrysynda aıtylǵan «Senim. Dıalog. Bolashaqqa nyq qadam – «Nur Otan» partıasynyń 7 serpini» baǵdarlamasyn júzege asyrý aıasynda ótkizilýde, - dedi «Nur Otan» partıasynyń hatshysy Ǵabıdolla Abdollauly Ospanqulov.

İrikteýdiń basty maqsaty ıadrolyq elektoratty qalyptastyrý bolyp tabylady.

«Iadrolyq elektoratty qalyptastyrý» jańǵyrtý Baǵdarlamasynyń birinshi ımpúlsi. Iadrolyq elektorat – bul qoǵamdyq pikir kóshbasshylarynyń jańa pýly, halyq pen partıa múddelerin qorǵaı alatyn, jańasha kózqarasy bar azamattar, eldiń damýy men halyqtyń máselesi beı-jaı qaramaıtyn el janashyrlary.

Partıalyq kadrlyq rezervke irikteý – bul ıadrolyq elektoratty qalyptastyrýdaǵy alǵashqy qadam bolyp tabylady.

Besqaraǵaı aýyly, S. Seıfýllın kóshesi, 106 meken-jaıy boıynsha Besqaraǵaı aýdandyq partıa fılıalyna (uıymdastyrý komıtetine) kelip tapsyrý arqyly, nemese https://nurotan.kz/auth/login saıtyna tirkelý arqyly qatysýǵa bolady.

Baılanys telefony-8 (72236) 9-19-10).