Shymkenttegi dámhanalardyń birinde atys boldy. Aldyn ala málimetke sáıkes, bir adam kóz jumyp, tórt adam aýrýhanaǵa jetkizildi, dep habarlaıdy Qamshy.kz aqparat agenttigi Otyrar saıtynyń deregin negizge ala otyryp. 

Kýágerler eki adamnyń oq atqanyn kórgen. Keıin olar qarýdy oqıǵa ornyna jaqyn mańǵa laqtyryp ketken. 

Dámhana aýmaǵyn Abaı aýdandyq polısıa bóliminiń tergeýshileri men krımınalıser qorshap aldy. Kafeniń qasynda Toyota 70 jáne Lexus RX 350 jol talǵamaıtyn kóligi turǵan. Polısıa qyzmetkerleri kóliktiń birinen teńge jáne dollarmen qomaqty aqsha tapqan. 

1 adam atys bolǵan jerde qaza tapqan. Al tórteýi №1 Shymkent qalalyq klınıkalyq aýrýhanasyna jetkizildi. Tórteýine de birneshe jerden oq tıgen. Ustalǵandar bar.