Memlekettik qyzmet isteri agenttiginiń basshysy Anar Jaıylǵanova Egov portalyndaǵy blogynda Qazaqstandaǵy memlekettik qyzmetkerler qalaı kıinýi kerektigi týraly aıtty.

Onyń sózinshe, memqyzmetkerler garderobynda qysqa shulyqtar, ashyq-shashyq kıimder bolmaýy tıis. Bul normalar etıkalyq kodekste kórsetilgen.

Vedomstvo basshynyń aıtýynsha, kıim jınaqylyq, iskerlik talaptaryna jaýap berýi qajet. Iaǵnı memqyzmetshiler klasıkalyq kıim úlgisine basymdyq beredi.

Erlerge jumysqa qysqa shulyq, qyrtys-qyrtys kostúm, kir jeıde kıýine bolmaıdy. Sondaı-aq galstýktyń durys baılanýyna, túımelerdiń ornynda bolýyna kóńil bólýi kerek. Aıaq kıim tazalyǵyna da asa mán beriledi.

Kostúm men kóılek túsinde ashyq nemese qara, qoshqyl reńkter quptalady.