Qazaqstandyqtar jeltoqsanda 12 kún demalady dep habarlaıdy Qamshy.kz aqparat agenttigi.

4 qarashada elimizde oqý jylynyń ekinshi toqsany bastaldy. Ol 30 jeltoqsan kúni aıaqtalady.

Bilim jáne ǵylym mınıstrligi 2019-2020 oqý jylyna arnalǵan mektep demalysynyń kestesin bekitken edi. Soǵan sáıkes, 2-11-synyp oqýshylary 34 apta oqyp, 30 kún demalady. 1-synyp oqýshylaryna qysta qosymsha demalys beriledi. Sondyqtan olardyń oqýy 33 apta bolady.

2 jáne 11-synyp oqýshylarynyń qysqy demalysy 30 jeltoqsan men 8 qańtarǵa josparlanǵan. Qosymsha demalys qosylǵandyqtan, 1-synyp oqýshylary ózgelermen birge 30 jeltoqsan men 8 qańtar qańtar aralyǵynda demalady. Budan soń 3-9 aqpan aralyǵynda taǵy da demalys alady.

1 jeltoqsan Qazaqstannyń Tuńǵysh Prezıdentiniń kúni bıyl jeksenbige túsip tur, sondyqtan ol kún 2 jeltoqsanǵa aýystyrylady. Osylaısha bes kún jumys isteıtinder 30 qarasha, 1,2 jeltoqsan kúnderi qatarynan úsh kún demalady.

Al Táýelsizdik kúnine oraı qazaqstandyqtar 16 jáne 17 jeltoqsanda demalady. Osy eki kúndi qosqanda, 4 kún qatarynan demalys bolady – 14, 15, 16, 17 jeltoqsan.