Áleýmettik jelide paıda bolǵan aty-jóni belgisiz adamnyń Uly júzdiń bas bıi Tóle bıdiń sýretin aldynda jasaǵan selfıi halyqtyń ashýyna tıdi. 

"Bul sýretke ne dep aıtarymdy bilmeımin. Bizdiń urpaqtyń sanasy quldyrap barady. Bolashaǵymyz úshin alańdaımyn", - dep jazylǵan sýretti jarıalaǵan post avtory saginblog.kz  paraqshasynda. 

Uıaly telefondaǵy qosymsha arqyly túrin ózgertken jáne artyndaǵy Tóle bıdiń sýretin kúlkige aınaldyrǵany kórinip tur dep renishin bildirgen halyq bul áreketi úshin qyzdyń ata-anasyna aıyppul salyp, jazalaý kerek deıdi. 

Pikirleri ekige bólingen qoldanýshylardyń biri: "Meniń oıymsha, buǵan Tóle bı ata renjı qoımaıdy. Bizdiń jastar talantty jáne kreatıvti. Bul ázildi durys qabyldaı bilý kerek. Kerisinshe kóńil-kúılerińizdi kótermeısizder ma?"- dep jazǵan. 

Úsh júzdiń basyn qosqan, qazaqtyń qoǵam qaıratkeri, sheshen Tóle bıdiń arýaǵyn syılap, qurmet bildirýdiń ornyna jelide jurttyń kúlkisin týdyryp, mazaq etken qyz jazasyz qalmaıdy degen úmittemiz.