Álemdegi 11 myń ǵalym klımattyń ózgerýi týraly saıasatkerlerge baǵyttalǵan úndeý hat jarıalady – dep Qamshy.kz aqparat agenttigi habarlaıdy,  CNN-ge  silteme jasap.

"Búkil álemniń túkpir túkpirinen shyqqan 11 myń ǵalym adamzat óziniń qazirgi jolyn ózgertpese, klımattyń ózgerýi qandaı azap shekkizýi múmkin ekeni týraly hat jazdy. Olar ǵalym retinde bardy bar dep aıtýǵa moraldyq quqyqtary bar ekenin málimdedi", – delingen úndeý hatta.

Baıandama avtorlarynyń biri Fıbı Barnard: "Bul qujat eń aldymen saıasatkerlerge baǵyttaldy. Keler urpaq saıasatkerler týraly jaman oıda bolady, sebebi olar klımattyń ózgerýi órkenıetke tóngen qaýip ekenine mán bermedi", – deıdi.

Eske salsaq,  ǵalymdar buǵan deıin de atalmysh másele týraly  birigip pikir bildirgen edi. Atarp aıtsaq, 2017 jyly 184 memleketten jınalǵan 16 myń ǵalym «adamdar men álem qaqtyǵys aldynda turǵanyn» eskertip úndeý hat jazǵan edi.

Al bıylǵy hat "BioScience" ǵylymı jýrnalynda jarıalandy.

150-den astam memleket ǵalymdarynyń aıtýynsha, klımattyq daǵdarys –  "baı ómir súrýge umtylýǵa" baılanysty bolady.