Belgili jýrnalıs Qasym Amanjol Jetisý arnasyndaǵy «Qatelik» baǵdarlamasyna qatysyp, adamzat qateligi, ult qateligi, qazaq jýrnalısıkasynyń qateligi jáne jeke basynyń qateligi taqyryptarynda áńgime qozǵady.

Jýrnalıs adamzattyń dinı, ıdeologıalyq ıdeıalardyń sońynan erip ketkeni úlken qasiretterge uryndyrǵanyn aıtty. Onyń mysaly retinde kres joryqtaryn, Arab halıfaty men Osman ımperıasynyń joryqtaryn, búgingi lańkestik áreketter men ımperıalısik elderdegi keleńsizdikterdi aıtty. Onyń sózinshe, adam dinshil bolǵan saıyn ózge adamnyń quqyǵyn shekteıdi.

Sondaı-aq qalamger qazaq halqynyń Abaı nusqaǵan jolmen júrmeı, nadandyq, kúnshildik, qarańǵylyq syndy teris ádetterden, satqyndyq, aramdyq sekildi minezderden aryla almaǵanyna qarny ashyp, júregi syzdaıtynyn bildirdi. Qazaq halqynyń taǵy bir qateligi – Alash qaıratkerleriniń sońynan ermegeni ekenin atap ótti.

Qasym Amanjol áńgime barysynda qazaq jýrnalısıkasynyń zamanǵa saı, eshkimnen kem emes, terezesi teń, keregesi keń azamattyq ınstıtýt bolyp qalyptasa almaǵanyn aıta kele, óziniń qateligi retinde jýrnalısıka fakúltetine oqýǵa túskenine qyljylatynyn jasyrmady.

– Jýrnalısıka fakúlteti mamandyq turǵysynan kóp dúnıe úırete alǵan joq. Kásip tańdaý turǵysynan jas býynǵa abstaktyly mamandyqtardy ıgerýdi emes, naqty mamandyqtarǵa qaraı beıimdelýdi usynar edim. Aıtalyq shet tilder fakúltetin, halyqaralyq qatynastar, shyǵystaný syndy til meńgeretin, álemdi meńgeretin mamandyqtardy tańdaýdy jón dep sanar edim, – deıdi jýrnalıs.