Máskeý polısıasy "Rosbalt" agenttiginiń jýrnalısi Aleksandr Shvarev reseılik kásipker Álisher Ýsmanov týraly jalǵan aqparat taratyp, qazaqstandyq kásipker Keńes Raqyshevty bopsalady dep aıyptaldy – dep Qamshy.kz aqparat agenttigi habarlaıdy, interfax.ru -ǵa silteme jasap.

Qorǵaýshylardyń aıtýynsha, tergeý jýrnalısiń qazaqstandyq kásipker Keńes Raqyshevtan shyndyqqa janaspaıtyn málimetterdi alyp tastaý úshin 50 000 dollardan astam aqsha berýdi talap etip, reseılik kásipker Álisher Ýsmanov týraly jalǵan aqparat taratqan degen tujyrymǵa kelgen.

Al "Keńes Raqyshevtyń baspasóz qyzmetindegi anonım qyzmetker bir saıtqa Raqyshev týraly materıaldardy alyp tastaý qajettigi týraly jazypty. Oǵan jaýap retinde "belgisiz tulǵalardan" bul qyzmetke aqy tóleý qajettigi týraly habarlama kelgen",  – dep sendiredi Shvarev.

Qazirgi tańda advokattar jýrnalısiń Latvıada emdelip jatqanyn aıtady. Kelesi dúısenbide sot atalmysh iske baılanysty syrttaı qamaýǵa alý máselesin qarastyrmaq.

Qorǵaýshy Shvarevke taǵylǵan aıyptar uzaqqa sozylmaı, aıyptaý úkimi shyǵaryldy deıdi. Al jýrnalıs ózine taǵylǵan aıyptardy úzildi-kesildi joqqa shyǵarady.

Eske salsaq, Qazaqstandyq kásipker Keńes Raqyshev – 2004-2008 jyldary Almaty qalasynyń ákimi bolyp istegen, búginde Reseıdiń Tótenshe jáne Ókiletti elshisi Imanǵalı Tasmaǵambetovtiń kúıeý balasy.

Qazaqstandyq Forbes jýrnaly Raqyshevtiń baılyǵyn 610 mıllıon dollarǵa baǵalaıdy. Basylymnyń málimetinshe, Raqyshev Fincraft Investment House (burynǵy BTA Sekúrıtız dep atalady), Fincraft Resources óndiristik holdıńteriniń (burynǵy SAT & Company) baqylaý paketine, Standard Standard kompanıasy, NetElement fınteh kompanıasy jáne Reseıdiń altyn óndirýshi kompanıasyndaǵy aksıalarǵa ıelik etedi. Sonymen qatar, kásipker 2015 jyldan beri Qyrǵyzstan, Belarýs jáne Ýkraınadaǵy birdeı ataýly bankterge ıe BTA Bankiniń 98 paıyz aksıalaryna ıelik etedi.