Búıreginde tasy bar jáne uıqy beziniń aýrýyna shaldyqqan adamdarǵa qurma jeýge bolmaıdy. Bul týraly nýtrısıolog, dıetolog Natalá Prohorova aıtty – dep Qamshy.kz aqparat agenttigi habarlaıdy,  vm.ru. -ǵa silteme jasap.

"Dıabetpen aýyratyndarǵa qurmany kóp jemegen durys, Sebbebi ol aıtarlyqtaı tátti. Adam táýligine bireýin ǵana jese jetkilikti. Deni saý adamdar kúnine eki-úsh qurma jeı alady. Budan artyq jeýge bolmaıdy. Óıtkeni onyń quramynda jeńil kómirsýlar bar", – deıdi Prohorova.

Dıetolog, fıtoterapevt, nýtrısıolog Anjelıka Dúvaldyń aıtýynsha, qurmanyń quramynda mıkroelementter men dárýmender, ásirese A, S jáne V kóp. Atalǵan vıtamınder adamǵa kúzde kóp kerek. Olar ımýnıtet pen júıke júıesiniń jumysyn rettep, aǵzany túrli ınfeksıadan qorǵaıdy.

Maman dúval qurmany aptasyna eki-úsh ret jeýge keńes berdi. Al muzdatylǵan qurma paıdaly dárýmenderin saqtaıdy, biraq ony ekinshi ret muzdatýdyń qajeti joq deıdi.

"Qurmanyń quramyndaǵy ıod pen temir óte paıdaly, olar adamnyń aǵzasyna jyldyń kez kelgen mezgilinde qajet. Ásirese, anemıamen aýyratyn adamdar qurma jeý kerek. Ol qyshqyl emes, sondyqtan asqazan jarasy kezinde jeýge bolady. Qurmanyń antıbakterıalyq qasıeti de bar", — dep atap ótti dıetolog.

Qurmany asqazan-ishek joldary aýrýlaryna shadyqqan adamdar jeı alady. Sondaı-aq ol júrek-qan tamyrlary júıesi aýrýlaryna da paıdaly.