Farmasevtıkalyq naryqtaǵy tenderlik prosedýralardy jeńildetý úshin robottar men jasandy ıntellekt iske qosylady dep jazady Qamshy.kz aqparat agenttigi.
«INKAR» farmasevtıkalyq kompanıasy alǵash ret dárilik preparattar jáne qural-jabdyqtar naryǵynda Robotic Process Automation (RPA) júıesin – baǵdarlamalyq robottardy (software robots) jáne jasandy ıntellektini qoldanýǵa negizdelgen bıznes-úrdisterdi avtomattandyrý tehnologıasynyń túrin engizedi.
Baǵdarlamalyq robot júıeniń ınterfeısimen ózara qatynasqa túsip, adamnyń is-áreketterin qaıtalaıdy. GVR (Grand View Research, Inc.) derekterine súıensek, 2025 jylǵa qaraı kompanıalardyń RPA tehnologıalaryna jumsaıtyn shyǵyny 3,11 mıllıard dollarǵa deıin jetpek.
«Bıznes-úrdisterdi sandyq transformasıalaý» - «INKAR» farmasevtıkalyq kompanıasy reseılik IT ázirleýshi DBH kompanıasymen qol qoıǵan kelisim, dárilik preparattar men qural-jabdyqty jetkizý jáne ótkizý boıynsha syrtqy jáne ishki bıznes-úrdisterdi tolyq avtomattandyrýǵa baǵyttalǵan.
Kelesideı qolmen jasalatyn jattandy operasıalar avtomattandyrylady:
- baǵalardy monıtorıńteýjáne júkteý;
- debıtorlyq/kredıtorlyq bereshekti baqylaý;
- tenderlik prosedýralarǵa arnalǵan málimetterdi salystyrý jáne daıyndaý;
«INKAR» kompanıasy strategıalyq seriktestik aıasynda tehnologıalyq úrdisterdi avtomattandyrýǵa baǵyttalǵan birqatar mindetterdi júzege asyrady. Tehnologıalyq úrdisterdi robottandyrý kompanıanyń 12 astam baǵytyn qamtıdy. Eń aldymen logıstıka, personaldy damytý, qujat aınalymyn avtomattandyrý jáne Úkimet organdaryna eseptilik jiberý men ózara áreket etý baǵyttaryndaǵy birqatar úrdisterdi avtomattandyrý jobalary júzege asyrylmaq.Tıimdi tehnologıalardy qoldaný kompanıanyń halyqaralyq naryqtaǵy básekege qabilettiligin ósirip, bolashaqta ımporttalatyn dárilik preparattardyń baǵasyn ońtaılandyrýǵa oń áserin tıgizedi», - «INKAR» JSHS bas dırektory Álıa Erimbetova.
Avtomattandyrý nátıjelerdi shyǵarý ýaqytyn 10 eseden astam ýaqytqa qysqartyp, paıdalanýshylardyń mehanıkalyq olqylyqtaryn boldyrmaýǵa múmkindik beredi. Paıdalanýshylar kúrdeli jaǵdaılardy retteýge búkil ýaqytyn jumsamaı, kúnine 3 saǵattan az ýaqyt jumsaıtyn boldy. Adamdardyń ýaqyty bosap, basqa úrdisterdiń sapasy joǵarylaı tústi. Ýaqytynda eskertý jáne bereshek sheginen asyryp tıeýdi tyıý arqasynda debıtorlyq bereshek kólemi 5 ese qysqardy.
Robottar kásiporynnyń eseptik júıesindegi, sondaı-aq, syrtqy júıelerdegi (saıttar, aqparattyq málimetter bazasy jáne t.s.s.) jumysty jaqsy atqaryp otyr. Ortalyqtandyrylǵan baqylaý barlyq sandyq kómekshilerdiń jumysyn qadaǵalaýǵa, olardyń áreketterin jáne operasıanyń durys oryndalǵany nemese oryndalmaǵany týraly málimdemelerdilogtaýǵa kómektesedi. Jumys shalys istelgen jaǵdaıda RPA oryndalǵan áreketterdi egjeı-tegjeıli sıpattap, esepti operatordyń saralaýyna jóneltedi, al operator robottyń jumysynyń logıkasyn naqtylap, jańa sharttar engizedi.Tájirıbelik-ónerkásiptik paıdalaný ýaqyty ishindegi mundaı ádis robotty kóp jaǵdaıda durys áreket etýge úıretip, adamnyń qatysý qajettiligin meılinshe azaıtýǵa kómektesti.
Osynyń arqasynda kásiporynnyń syrtqy jaǵdaılardyń ózgerýine qaraı áreket etý ýaqyty qysqardy. Negizgi bıznes-úrdisterdegi aqparattyń kókeıkestiligi artty.
Kompanıa týraly anyqtama aıta ketsek:
«INKAR» farmasevtıkalyq kompanıasy 1998 jyldyń qarasha aıynda qurylǵan. Táýelsiz sarapshylardyń baǵalaýy boıynsha kompanıa búgingi tańda Qazaqstan Respýblıkasynyń eń iri 3 farmdıstrıbútorlarynyń qatarynan sanalady. Seriktestik ımporttaıtyn dárilik quraldar men medısınalyq-sanıtarlyq qoldanýǵa arnalǵan buıymdardyń kólemi jyl saıyn 40% kem emes ósim kórsetýde.
DBH (Digital Business Helpers) kompanıasy RPA tehnologıasy negizindegi baǵdarlamalyq qamsyzdandyrýdy jasaıtyn reseılik jetekshi kompanıalardyń biri bolyp tabylady.
Kompanıaǵa ózderiniń bıznes-úrdisterine jańa tehnologıalardy engize otyryp, shyǵyndaryn qysqartýǵa, adamdardyń jumysyndaǵy qatelikterdi azaıtýǵa jáne normatıvtik, sondaı-aq, ózge talaptardyń oryndalýyn jaqsartýǵa úmittengen iri reseılik jáne sheteldik kompanıalar senim artady.
