"Astana Club" sarapshylary "Álemdik (dem) tártip: bolashaq tarıhyn kim jazady?" sesıasynyń ashylýynda halyqaralyq saıasatty damytýdyń negizgi máselelerin talqylady.

Ekonomıkalyq, saıası jáne áskerı qaqtyǵystyń jalǵyz ómirsheń balamasy – jahandyq yntymaqtastyq. Bul týraly klýb otyrysynyń ashylýynda Parlament Senatynyń tóraǵasy Darıǵa Nazarbaeva málimdedi.

Baıandamashy sońǵy ýaqyttaǵy eń ótkir jahandyq qaqtyǵys túıinderiniń geografıasy Úlken Eýrazıada shoǵyrlanǵanyna nazar aýdardy.

Odan ózge Qazaqstannyń syrtqy saıasaty tıimdi jáne ózara tıimdi yntymaqtastyq pen jalpy tarıhı taǵdyr men ortaq ekonomıkalyq múddeler negizinde memleketaralyq odaqtar qurý qabiletimen erekshelenetindigin atady.  

"Yntymaqtastyq adal, tikeleı jáne ashyq dıalogsyz múmkin emes. Tek osyndaı dıalogtyń nátıjesinde Eýrazıa qurlyǵynda da, búkil álemde de oıyn erejeleriniń zamanaýı bolmysyn kórsetetin jańa erejeler paıda bolýy múmkin. Bul turǵyda "Astana Club"-tyń talqylaýy – eń mańyzdy másele. Qymbatty áriptester, bul bizdiń jahandyq yntymaqtastyqtyń jańa arhıtektýrasyn salýǵa qosqan úlesimiz ", – dep Darıǵa Nazarbaeva sarapshylarǵa jaýap berdi

Eske salsaq, 11-12 qarasha kúnderi "Nazarbaev ortalyǵynda" saıası forým formatyndaǵy bedeldi halyqaralyq pikirsaıys alańy "Astana Club"  klýbynyń besinshi otyrysy ótip, is-sharaǵa álemniń 50-den astam jetekshi saıasatkerleri, Eýrazıanyń tanymal zıalylary jáne halyqaralyq qatynastar salasyndaǵy úzdik sarapshylar qatysýda.