Úkimet basshysynyń birinshi orynbasary Asqar Mamınnen qarjy mınıstri Álıhan Smaıylov on aıdyń qorytyndysy boıynsha búdjet qarajatyn ıgermegeni úshin ortalyq jáne jergilikti memlekettik organdardyń baǵdarlamalar jetekshilerin jaýapqa tartýdy surady, – dep habarlaıdy.

"Ókinishke qaraı, búdjettiń úsh ret naqtylanyp, eki ret túzetilýine qaramastan, ortalyq memlekettik organdar men jergilikti jerlerde 10 aıdyń qortyndysy boıynsha qomaqty soma ıgerilmeı qalǵan. Sol sebepti, Asqar Uzaqbaıuly búdjet qarajatynyń ıgerilmeýine sebepshi bolǵan ortalyq jáne jergilikti memlekettik organdardyń tıisti búdjettik baǵdarlamalar jetekshilerin jaýapqa tartýdy suraımyn", –  dedi Smaıylov.

Mınıstrdiń málimdeýinshe, respýblıkalyq búdjettiń shyǵystary 9 trıllıon 565 mıllıard teńgeni nemese 99,2%-ti qurady.  Onyń ishinde 79 mıllıard teńge oryndalǵan joq, 11 mıllıard teńgesi únemdelgen. Al 68 mıllıard teńge ıgerilmegen.

"Bul jerde naqtylanǵan búdjettiń ózgeristeri eskerilgen joq. Olar qarasha aıynda kórinis tabady", – dep  úkimet otyrysynda vıse-premer jaýap berdi.

 Sondaı-aq qarjy mınıstri:  "Ol túzetýler búdjet qarjysyn tıimsiz josparlaý jáne paıdalanýda jaýapkershilikti kúsheıtýge baǵyttalǵan. Osy zań buzýshylyqtarǵa endi ákimshilik jaýapkershilik kózdelip otyr. Bul rette, ákimshilik jaýapkershilikke búdjettik baǵdarlamalardyń jetekshileri ǵana emes, ortalyq jáne jergilikti memlekettik organdardyń birinshi basshylary da tartylady", – dep sózin túıindedi.