Almaty-Bishkek tas jolynda úsh kóliktiń soqtyǵysýynan bir adam mert bolyp, 8 adam túrli dene jaraqatymen aýrýhanaǵa jetkizildi, – dep Qamshy.kz aqparat agenttigi habarlaıdy.

Kólik apaty búgin  Almaty-Bishkek tasjolynyń 94-shaqyrymynda bolǵan.

Atalǵan fakti boıynsha sotaldy tergeý bastaldy.

"Toıota Estıma", "Nıssan maksıma" jáne "Húndaı Stareks" kólikteri soqtyǵysqan. Apatqa ne sebep bolǵany tergeý barysynda anyqtalady. Tergeý QR QK 345-babynyń 3-tarmaǵyna sáıkes júrip jatyr. Qajetti saraptamalar taǵaıyndaldy",- dep Almaty oblystyq polısıa departamentiniń baspasóz qyzmeti málimdedi.

Qazir oqıǵa ornynda polıseıler jumys istep jatyr.

Al kólik apatynan zardap shekkender – Jambyl, Túrkistan jáne Almaty oblysynyń turǵyndary. Jas erekshelikteri 21-34 jas aralyǵynda. Olardyń barlyǵy Uzynaǵash aýylyndaǵy aýrýhanaǵa jetkizilgen. Al kólik apatynan mert bolǵan áıel adamnyń kim ekeni ázirge anyqtalmady.

Sondaı-aq Almaty oblysynyń polıseıleri kólik júrgizýshilerge jolda abaı bolýdy qatań eskertedi.

"Kólik dóńgelekterin qystyq avtoshınaǵa aýystyrý kerek. Keı jerde qar joq dep táýekelge bel býyp, jolǵa shyǵyp ketýge bolmaıdy. Aýa raıy kúrt ózgerýi múmkin. Sondyqtan adam ómirine beıjaı qaramaýdy eskertemiz", – dep oblystyń polıseıler sózin  tolyqtyrdy.