Almatyda "Ǵylym ordasynda" áleýmettik kásipkerlikti damytýǵa úles qosqan kásipkerler "ÓZGERIS USTASY" júldesimen marapattaldy.

Belgili bir toptyń damýyna ǵana úles qospaı, tutas qoǵam damýyna muryndyq bolyp, kásibin dóńgeletip otyrǵan osy bir erekshe jandardyń ıgi isi kóńilge qýanysh syılaıdy. Sondyqtan áleýmettik kásipkerlik salasyndaǵy kórnekti mamandardyń eńbegin qoǵamnyń moıyndaýy, otandyq áleýmettik kásipkerlik ınstıtýtyna nazar aýdarý jáne Qazaqstandaǵy áleýmettik kásipkerlikti tanymal etý úlken mańyzǵa ıe.

Syılyq eki sanat boıynsha berildi: áleýmettik kásipkerlikpen aınalysatyn úkimettik emes uıymdar (ÚEU) jáne Qazaqstanda áleýmettik kásipkerliktiń damýyna yqpal etetin uıymdar.

ÚEU arasynan jeńimpazdardy anyqtaý eki kezeńde ótti. Aldymen, jergilikti jáne sheteldik saraptama uıymdarynyń ókilderi kiretin saraptamalyq komısıa fınalısterdi tańdady. Ekinshi kezeńde jeńimpazdar ashyq onlaın daýys berý negizinde tańdaldy. Úzdik ataýmen birge ÚEU arasyndaǵy jeńimpazdarǵa 500 000 teńge kóleminde aqshalaı syıaqy berildi. Al áleýmettik kásipkerliktiń damýyna yqpal etetin uıymdardy Saraptaý komısıasy anyqtady.

Júldeni uıymdastyrýshylardyń biri, ImpactHub Almaty basshysy Indıra Shah atalmysh kásipkerlerdiń biregeıligi – áleýmettik máselelerdiń sheshimin tabýynda  ǵana emes, sheshimdi turaqty bıznes modelderge negizdeı otyryp sheshýinde ekenin atap ótti.

– Qarapaıym tilmen aıtqanda, olar bizdiń qoǵamǵa kómektesedi, ári osy qyzmeti arqyly tabys tabady jáne halyqtyń áleýmettik álsiz toptaryna aqsha tabýǵa múmkindik beredi. Aty aıtyp turǵandaı «ÓZGERIS USTASY», qoǵamǵa ózgeris ákeletin elimizdiń naǵyz kaharmandaryn, ózgeris ustalaryn anyqtaıtyn baıqaý. Osy kisiler bizdiń jas urpaǵymyzǵa úlgi bolýy kerek, –dedi ol.

Sonymen, ÁLEÝMETTİK KÁSİPKERLİKTİŃ BİLİM SALASYNDAǴY ÚZDİK ÚLGİSİ nomınasıasynda kelesideı uıymdar jeńimpaz atandy.

1. Salem Social Village, Shymkent qalasy.

2. «KOMÝNITIPLÚS» mádenıet, áleýmet jáne bilim berýdi damytý qory» qoǵamdyq qory, Almaty qalasy.

3. "Aıalaǵan Alaqan" Qoǵamdyq qaıyrymdylyq qory, Batys Qazaqstan oblysy.

ÁLEÝMETTİK OSAL TOPTARDY QOLDAÝ SALASYNDAǴY ÁLEÝMETTİK KÁSİPKERLİKTİŃ ÚZDİK ÚLGİSİ nomınasıasynda jeńimpaz atanǵandar:

1.«Erekshe ómir» múgedek-balalardy aqparattyq-úılestirý resýrstyq qoldaý ortalyǵy» qoǵamdyq qory, Kókshetaý qalasy.

2. «Jambyl oblysynyń komersıalyq emes uıymdarynyń qaýymdastyǵy» zańdy tulǵalardyń birlestigi, Taraz qalasy.

3. «Ski Park Pioneer» jaýapkershiligi shekteýli seriktestigi, Almaty qalasy.

4. Qarabekov Aǵabek atyndaǵy qoǵamdyq qor, Nur-Sultan qalasy.

5. "JARQYN BOLASHAQ" jastar qoǵamdyq qory, Atyraý oblysy.

6. «Strana masterov» múgedekterdiń qoǵamdyq qory.

7. «Móldirkóz» qoǵamdyq birlestigi, Atyraý qalasy.

8. «Psıhoanalıtıcheskaıa asosıasıa» qoǵamdyq birlestigi, Almaty qalasy.

9. "Federasıa paýerlıftınga ı jıma leja Mangıstaýskoı oblastı" qoǵamdyq birlestigi, Mańǵystaý oblysy.

EKOLOGIA SALASYNDAǴY ÁLEÝMETTİK KÁSİPKERLİKTİŃ ÚZDİK ÚLGİSİ nomınasıasynda jeńimpaz atanǵandar:

1. «Arnaý» Damý ortalyǵy» qoǵamdyq birlestigi, Nur-Sultan qalasy.

2. «Jaıyq-Kaspıı Orhýss ortalyǵy» korporatıvtik qory, Atyraý oblysy.

3. EcoWasteAktau, mańǵystaý oblysy.

ÁLEÝMETTİK KÁSİPKERLİKTİ QOLDAÝ BOIYNSHA KORPORATIVTİ SEKTORDYŃ ÚZDİK BASTAMASY nomınasıasynda Chevron Kompanıasy jeńimpaz atandy.

ÁLEÝMETTİK KÁSİPKERLİKTİ QOLDAÝDAǴY ÚZDİK MEMLEKETTİK SHARA nomınasıasynda Samrýk-Kazyna Trast jeńimpaz atandy.

ÁLEÝMETTİK KÁSİPKERLİKTİ QOLDAÝ ÚSHİN HALYQARALYQ INSTITÝTTYŃ ÚZDİK BASTAMASY nomınasıasynyń jeńimpazy bolyp Halyqaralyq damý jónindegi AQSH Agenttigi (USAID) atandy.

Kesh barysynda áleýmettik kásipkerlerdiń alǵashqy respýblıkalyq tizilimi tanystyryldy.  Búgingi tańda 150-ge jýyq áleýmettik kásipkerler belsendi qyzmet etip keledi.

Kesh baǵdarlamasy ártisterdiń ónerimen jalǵasyp, áleýmettik kásipkerler shyǵaratyn erekshe ónimderdiń jármeńkesimen qyzyqtyryla tústi.

Júlde uıymdastyrýshylary – “Act for Impact” (Impact Hub Almaty) Korporatıvtik qory Qazaqstan Respýblıkasy aqparat jáne qoǵamdyq damý mınıstrligi qoldaýymen «Azamattyq bastamalardy qoldaý ortalyǵy»  (ÚEAQ) granty aıasynda.