Elordalyqtar men qala qonaqtary qoǵamdyq kólik qyzmeti úshin bir aı 45 teńgeden tóleı alady, – dep Qamshy.kz aqparat agenttigi habarlaıdy .

"Jolaqyny 50% jeńildikpen SMS jáne QR-kod arqyly tóleı alasyz. Aksıa 18 qarashadan bastalyp, 18 jeltoqsanǵa deıin jalǵasady", – dep "Astana LRT" kompanıasynan málim etti.

Atalmysh aksıany uıaly baılanys operatorlarynyń biri usynyp otyr.

Atap aıtsaq, tólemdi SMS nemese QR-kod arqyly jasaǵan kezde telefon nómirinen jol júrý bıletiniń tolyq somasy – 90 teńge shegeriledi. Keıin balansqa 45 teńge qaıtarylady. Jolaqyny tóleý úshin shotta kem degende 91 teńge bolýy tıis.

"45 teńgemen avtobýsta kúnine eki ret júre alasyz. Al úshinshi jáne odan arǵy saparlaryńyz úshin standartty – 90 teńge tóleısiz. Aksıa tek qalalyq baǵyttarda júredi. Baǵasy 180 teńge bolatyn ekspress-marshrýttarda, sondaı-aq aqysy 90, 200, 300 jáne 400 teńgelik qalamańy marshrýttarynda jeńildik qarastyrylmaǵan", – dep  "Astana LRT" kompanıasynyń ókili sózin túıindedi .