Qyrymda ógeı ákesi tyńdamaǵany úshin 5 jasar qyzyn óltirgen. Oqıǵadan keıin tutqyndalǵan er adam polıseılerge qyzdyń múrdesin qaıda kómip tastaǵanyn kórsetti – dep Qamshy.kz aqparat agenttigi habarlaıdy, ntv.ru arnasyna silteme jasap.

Ógeı qyzyn óltirdi degen kúdikke ilingen er adam 5 jasar qyzyn býyndyryp óltirip, artynsha denesin úıden alyp shyǵyp, kóliktiń artqy oryndyǵyna jatqyzǵan. Ol kezde kóliktiń aldyńǵy oryndyǵynda onyń kishi uly otyrypty. Er adam qyzdyń múrdesin kómip tastap, artynsha týǵan ulymen birge Ýkraınaǵa qashyp ketpek bolǵan. Alaıda, olar shekaradan óte almady.

13 qarashada er adam polısıaǵa habarlasyp, 5 jasar qyzynyń joǵalyp ketkeni týraly habarlaǵan. Alaıda qyzdy izdestirý jumystary nátıje bermegennen keıin, polısıa ógeı ákeniń ózin kúdikti retinde ustady. Búgingi tańda ol tutqyndaldy.

BAQ málimetinshe, kúdiktiniń mundaı áreketine ógeı qyzynyń ózin tyńdamaýy jáne ákem dep qabyldamaǵany sebep bolǵan.