Mońǵolıa azamattyǵynan ár jyly túrli sebeppen shyǵyp qalǵan azamattar el prezıdenti Sahıagıın Elbegdorjynyń 2013 jylǵy 10 mamyr kúngi  jarlyǵy boıynsha 408 azamat Mońǵolıa azamattyǵyna qaıta qabyldandy. 

Baıan-Ólgııdegi kóptegen jyldardan beri qaraı kúrmeýi sheshilmeı jalǵasyp kelgen túıtkildi másele – azamattyq máselesi edi. Mońǵolıa memlekettik Uly Quryltaı múshesi, Memlekettik qurylym turaqty komıtetiniń tóraǵasy Bákeı Aǵyparuly jáne aımaq basshylyǵynyń Mońǵol Prezıdenti men Úkimet ornyna máseleni jıi-jıi jetkizip, jaǵdaıdy egjeı-tegjeıli tanystyrýynyń nátıjesinde Mońǵolıa azamattyǵyna qaıta qabyldaý týraly Mońǵolıa Prezıdenti Sahıagıın Elbegdorjnyń jarlyǵy shyǵyp, alǵashqy kezekte 408 adamnyń azamattyq máselesi sheshildi. Osylaısha, Baıan-Ólgıı aımaǵy azamattarynyń basyndaǵy qordalanǵan, eń ózekti másele sheshimin taba bastady. Al, ótinish bildirgen ózge azamattardyń qaıtadan Mońǵolıa azamattyǵyna ótýi máselesi jan-jaqty qarastyrylyp jatyr jáne jýyq arada sheshimin tabatyn bolady, - dep habarlaıdy AÁİBOryny baspasóz qyzmetkeri Nurbolat Ónerhanuly. Aıta keteıik, Mońǵolıa azamattyǵyn qaıtadan alyp jatqandardyń barlyǵy bizdiń sonda turatyn qazaq aǵaıyndar. Osydan buryn 800 qazaq Mońǵolıanyń azamattyǵyn qaıtadan suraǵan bolatyn. Olardyń kóbi Qazaqstanǵa kóshken degen jalǵan qujattarǵa baılanysty Mońǵol eliniń azamattyǵynan shyǵyp qalǵan, eki elde de azamattyǵy joq qandastarymyz. Tipti, bulardyń ishinde atajurtqa kóshý úshin 13 jyl buryn Mońǵol azamattyǵynan shyǵyp, Qazaqstanǵa orala almaı otyrǵandary da jeterlik. Sońǵy málimetterge súıensek, búgin 695 qandasymyzdyń azamattyǵy qaıtadan qalpyna keltirilgen. Endi aldaǵy ýaqytta 230-ǵa jýyq azamattyń máselesi de qaralmaq. Mońǵolıa qazaq jýrnalıseri azamattyqqa qaıta qabyldanǵan aǵaıyndar Mońǵol úkimeti tarapynan kórsetiletin jeńildikterge qol jetkizetinin jetkizdi. Derekkóz