Almatyda ótken brıfıń barysynda qalalyq Josparlaý jáne ýrbanıstıka basqarmasynyń basshysy Almasqan Ahmedjanov kópqabatty úılerdiń tekserilgenin, tekserý nátıjesi boıynsha jer silkinisine osal ǵımarattar kartasy jasalynyp jatqanyn aıtty.

«Keler jyly jer silkinisine osal ǵımarattar kartasy jasalady. Bul kartada qandaı ǵımarattarda qaýip-qater bar ekeni kórsetiledi. Biz 2001 jyldan beri salynǵan ǵımarattardy pasportızasıadan ótkizdik. Oǵan eki jyl ýaqyt ketti. Onyń aldynda salynǵan ǵımarattardy teksermedik. Sebebi, tekserýdiń qajettiligi joq», - dedi ol.

Onyń aıtýynsha, eski ǵımarattar qaladaǵy barlyq ǵımarat qorynyń 85%-yn alyp otyr.

«Bizde Keńes odaǵy kezinde 1969-1970 jyldary turǵyzylǵan úıler óte kóp. Bul úılerdiń barlyǵy jer silkinisine tózimdi ekenin moıyndaý kerek. Biraq keıbir ǵımarattar qazirgi normatıvterge saı emestigi dáleldendi. Olar mindetti túrde qaıta jóndeýden ótkiziledi», - dedi ol.

Basqarma basshysy ǵımarattar týraly málimet 2020 jyly jarıalanatynyn aıtty.

«Adamdar qandaı úıde turyp jatqanyn túsinýi kerek. Kóptegen turǵyndar úıiniń ishin óz qalaýynsha ózgertken. Keıbireýler negizgi tireý qabyrǵany alyp tastaǵan. Bul óte qaýipti. Muny eshkim teksermeı kelgen. 2 jylda biz ǵımarattardyń barlyǵynyń pasporttyq málimetin jasadyq», - dedi Almasqan Ahmedjanov.