Turǵyn úı salasynda genderlik teńdikti jetildirý maqsatynda áıelderge arnalǵan ıpoteka jobasyn júzege asyrý úshin "Turǵyn úı qurylys jınaq banki" "Azıa Damý Bankimen" birige otyryp, shamamen 4000 áıelge ıpoteka bermekshi - dep habarlaıdy, krisha.kz - ke silteme jasap.

"Qazaqstanda 9,1 mıllıon áıel bar, olardyń 4,4 mıllıony jumyspen qamtylǵan, jartysy óz otbasylaryn ózderi asyrap otyr.

Sondaı-aq áıelderdiń jalaqysy erlerdikine qaraǵanda úsh esege az ekenin eskerý kerek. Iaǵnı áıelderdiń erlerge qaraǵanda páter alý múmkindigi tómen ekenin bildiredi. Sondyqtan biz "Azıa Damý Bankimen" birge qazaqstandyq áıelderdi qoldaı otyryp, genderlik jobany júzege asyrmaqshymyz", - dedi  "Turǵyn úı qurylys jınaq banki" basshysy Lázzat Ibragımova.

Banktegilerdiń aıtýynsha, ıpoteka jobasyna jańa salynǵan úıler de, qaıtalama naryqtaǵy páterler de kiredi.

Kredıttiń maksımal somasy - 30 mıllıon teńge. Alǵashqy jarna - 15 paıyz. Biraq ol áıeldiń jalaqysy 200 myń teńgeden kem bolýy tıis. Egerde jalaqysy 200 myń teńgeden asatyn bolsa, alǵashqy jarna - 20 paıyz. Qazirgi tańda paıyzdyq mólsherlemesi áli belgisiz. Ol týraly keıinirek aıtylady.