SHQO-daǵy kolejderde bolashaqqa qajetti mamandar daıarlanýda

/image/2019/11/22/crop-111_60_751x1001_whatsapp-image-2019-11-22-at-15.40.19-1.jpeg

QR Ortalyq komýnıkasıalar qyzmetinde ótken brıfıń barysynda SHQO ákimi Danıal Ahmetov tehnıkalyq jáne kásiptik bilim berý salasy týraly aıtyp berdi.

Bıyl Eńbek jáne áleýmettik qorǵaý mınıstrligi júrgizgen saraptama jumystarynyń nátıjesinde joǵary suranysqa ıe 100 mamandyqtyń 65-si tehnıkalyq jáne kásiptik bilim berý salasynyń mamandary ekeni anyqtaldy. Onyń ishinje İT-mamandar, 3D modeldeý jáne baǵdarlamalaý boıynsha ınjenerler, "aqyldy qala" salý úshin sáýletshiler men jobalaýshylar, mýltımedıalyq jáne grafıkalyq dızaınerler, óndiristi avtomattandyratyn mamandar bar.

Búginde eńbek naryǵy jańa tehnologıalardy jetik meńgeretin mamandardy talap etedi. Sondyqtan tehnıkalyq jáne kásiptik bilim berý salasyna basa nazar aýdarý qajet. Osy baǵytta oblysta tıisti sharalar júrgizilýde. Tehnıkalyq jáne kásiptik bilim berý baǵdarlamasyn damytýdyń kezeńdik jospary qurylǵan. Aǵymdaǵy jyly oblystaǵy 14 kolejdegi 32 kabınet qaıta jabdyqtaldy. Bolashaq jas mamandarǵa sapaly bilim berý úshin óndiris oryndarymen tyǵyz qarym-qatynasta jumys istelýde. Semeıdegi Elektrotehnıkalyq kolej ben Óskemendegi polıtehnıkalyq kolejdiń bazasynda İT-baǵyttaǵy ortalyqtar ashylǵan. Oǵan oblystyq búdjetten 398 mln teńge bólindi. Óskemendegi kópsalaly tehnologıalyq kolejde "KAZMINERALS"-tiń qoldaýymen arnaıy ortalyq ashyldy. Oǵan qajetti qural-jabdyqtardy alýǵa 300 mln teńge bólindi.

"Jas maman" respýblıkalyq jobasy aıasynda 2021 jylǵa deıin oblysta ónerkásip, qyzmet kórsetý, qurylys jáne kólik sıaqty 8 ortalyq ashylady.
Jalpy, tehnıkalyq jáne kásiptik bilim berý mekemelerin ınvestısıalaýǵa 7 mlrd teńge qarastyrylǵan.

Baǵdarlamanyń basty maqsaty - 2022 jylǵa deıin ortasha bilim alǵan mamandardyń kásibıligin 24%-ǵa kóterip, kolej túlekteriniń 16%-yn jumyspen qamtamasyz etý.

Aıta keteıik, SHQO-daǵy kolejderdiń stýdentteri halyqaralyq WorldSkills qozǵalysyna qatysyp, jumysshy mamandyqtarynyń mańyzdy ról atqaratynyn dáleldep júr. Sońǵy eki jyldyń kóleminde bizdiń oblystyń quramasy respýblıkalyq jarysta kóshbasshy atandy. Oǵan dálel de jeterlik. Qazaqstan quramasy (komandanyń negizin SHQO-nyń jastary qurady) 45-shi WordSkills Kazan álemdik chempıonatynda júldemen oraldy. "Avıasıalyq júıeni pılotsyz basqarý" rejımi boıynsha qazaqstandyqtar mehatronıka boıynsha «Medallion for Excellence» jáne "Vest of national» medaldaryn ıelendi.

Pikir qaldyrý

Qatysty Maqalalar