"Almaty-Ekaterınbýrg" tasjolyndaǵy jol-kólik oqıǵasynan 2 adam kóz jumyp, birneshe jábirlenýshi aýrýhanaǵa jetkizildi – dep habarlaıdy, oblystyq polısıa departamentiniń baspasóz qyzmetine silteme jasap.

Oqıǵa búgin saǵat 11:30 shamasynda Áýlıekól aýdanynda boldy.

"23 jastaǵy Nur-Sultan qalasynyń turǵyny mingen "Datsýn" kóligi joldan shyǵyp ketip, qarsy baǵyttaǵy "Honda" mashınasyna soqtyǵysqan. Odan ári "Gazel" avtokóligi "Datsýn" kóligin soqty. "Gazeldi" 26 jastaǵy Qostanaı qalasynyń turǵyny basqarǵan. "Datsýn" kóligindegi 1999 jáne 1973 jyly týǵan jolaýshylar kóz jumdy. Taǵy 3 adam Áýlıekól aýdandyq ortalyq aýrýhanasyna jetkizildi", – dep polısıanyń baspasóz qyzmeti málim etti.

Qazirgi ýaqytta qylmystyq iske baılanysty QR QK 345-baby 4-bóligimen («Abaısyzda eki nemese odan da kóp adamnyń ólimine ákep soqqan jol qozǵalysy erejelerin buzý») sotqa deıingi tergeý jumystary bastaldy.