Almaty qalasynyń ákimi Baqytjan Saǵyntaevtyń Alataý aýdany turǵyndarymen bolǵan kezdesýine qatysyp, onda talqylanǵan ár qazaq ata jurtyndaı kóretin Almaty qalasynyń bolashaǵyn boljaıtyn «Almaty-2050» baǵdarlamasy boıynsha keleshekte júzege asyrylatyn úlken jumystar týraly estip, kóńilim ósti.

Eger de osy baǵdarlama negizinde júıeli túrde jumystar júrgizilse, Almatynyń jańa kelbeti shynymen shyraılana túseri anyq. Almaty úlken qala, al úlken qalanyń tirshiligi eshqashan toqtamaıdy, usaq-túıek jumysy kóp, soǵan qaramastan, alyp qala úshin alyp jospar jasaǵan qala basshylyǵyna myń da bir rahmet. Baǵdarlamadaǵy qala turǵyndaryn áleýmettik qorǵaý, shet aımaǵy joq qala, sapaly qalalyq ortany qalyptastyrý, teń múmkindikter qalasy degen baǵyttary kóńilimnen shyqty.

Qala basshysy aıtqandaı, bolashaqta Almaty shyn mánindegi keler urpaqtyń nurly qalasy bolatynyna sene otyryp, osy oraıda oıymda júrgen bir usynysym retinde jastar úshin úlken bir mádenı-sporttyq ortalyq ashylsa degen oıymdy aıtqym keledi. Oqýshylar úıi balalar men jasóspirimder úshin qyzmet atqarsa, biz jastardy da esten shyǵarmaýymyz kerek.

Aqqaısha Baımádıeva,

«Qurmet belgisi» ordeniniń ıegeri, Batyr ana