"Nur Otan" partıasynyń árbir óńir, qala jáne aýdan boıynsha saılaýaldy baǵdarlamasy ázirlenýi tıis. Bul týraly "Nur Otan" partıasynyń óńirlik fılıaldary ókilderiniń qatysýymen ótken keńeste QR tuńǵysh Prezıdenti Nursultan Nazarbaev aıtty, – dep Qamshy.kz aqparat agenttigi habarlaıdy.

 "Nur Otan" partıasynyń tóraǵasy árbir óńir, qala jáne aýdan boıynsha saılaýaldy baǵdarlamanyń daıyndalýyn qamtamasyz etýdi tapsyrdy.

"Kelesi jyly aýmaqtardy damytýdyń bes jyldyq baǵdarlamasyn júzege asyrý aıaqtalady. Jańa baǵdarlama qabyldaý qajettiligi jańa elektoraldyq sıklmen tuspa-tus kelip tur. Sondyqtan jańa baǵdarlama árbir óńir boıynsha máslıhat saılaýyna arnalǵan partıanyń saılaýaldy baǵdarlamasynyń negizi bolýy tıis. Májilis saılaýyndaǵy Nur Otan partıasynyń saılaýaldy baǵdarlamasyna qatysty aıtar bolsam, onda Premer-Mınıstr saıası keńes búrosynyń múshesi retinde bul jumysty jeke basqarýy qajet jáne qazirden bastap bul baǵdarlamany ázirleýge kirisýi tıis", - dedi Qazaqstannyń tuńǵysh Prezıdenti.