Almaty Investment Forum 2019 barysynda shahar basshysy Baqytjan Saǵyntaev megapolıstiń basty ósý tetikteri ınvestısıalar úshin, ınvestorlar sheshimderi úshin baǵyt-baǵdar beredi dep atap ótti.

– Almatynyń tabysty bolýyna barlyq qajetti alǵysharttary bar, atap aıtqanda turǵyndardyń joǵary bilim deńgeıi, ozyq kásipkerlik, kúshti kreatıvti klass. Jumys isteıtin turǵyndardyń 70%-ǵa jýyǵy joǵary bilimdi. Megapolıste 39 joǵary oqý orny bar. Jumyspen qamtylǵandardyń úshten ekisi (2/3) shaǵyn jáne orta kásipkerlikte. Ol qazynaǵa salyqtyń 63%-yn ákeledi. Investorlar úshin jańa qoldaý quraldary salyndy. Áleýmettik kásipkerlik korporasıasy bazasynda «bir tereze» qaǵıdaty boıynsha qyzmet kórsetetin Almaty Invest ortalyǵy ashyldy. «Infraqurylymǵa adamdar» qaǵıdaty boıynsha ınvestorlarǵa daıyn kóliktik jáne ınjenerlik ınfraqurylymy bar jer ýchaskeleri beriledi. Arnaıy ekonomıkalyq aımaqta –  ınovasıalyq bıznes úshin erekshe jeńildik sharttary bar. Inovasıalyq kásipkerler jer, múliktik, áleýmettik salyqtardan, korporatıvtik tabys salyǵynan bosatylǵan.

Qurmetti ınvestorlar! Almaty – Sizdiń ınvestısıalar úshin úzdik tańdaý. Biz «Almaty-2050» Strategıasynyń jetistigine senemiz. Sizdiń tabysty bolýyńyzǵa senemiz. Bizge qosylyńyz!, –  dep sózin túıindedi Baqytjan Saǵyntaev.