Almaty Invest Forum qorytyndysy boıynsha quny 2,3 mlrd AQSH dollary bolatyn 31 kelisimshartqa qol qoıyldy, dep málimdedi Almaty qalasy ákiminiń orynbasary Saparbek Tuıaqov.

– Bul bizge halyqaralyq deńgeıge shyǵýǵa múmkindik beredi. Iaǵnı, osy kórsetiletin qyzmetterdi eksportqa shyǵarýǵa bolady. Búgingi jıynnyń nátıjesinde Almatynyń ınvestısıalyq áleýeti óte joǵary ekendigin baıqadyq. Forým barysynda bıznes qaýymdastyq pen ákimdik arasynda quny 2,3 mlrd AQSH dollary bolatyn 31 qujatqa qol qoıyldy. Osyndaı aýqymdy jobalardyń biri – áýejaıdy qaıta jańǵyrtý bolyp otyr. Almaty áýejaıyn qaıta jańǵyrtýǵa álemdegi eń iri 6 kompanıanyń biri qyzyǵýshylyq tanytty. Alǵashqy 2 jylda jańa termınaldy salýǵa – 150 mln eýro, 5 jylda 500 mln eýro ınvestısıalanady. Qala bıligi ınvestormen birige otyryp Almatyny týrısik habqa aınaldyrýdy kózdep otyr. Biz osy jobany uzaq kúttik. Jaqynda 2 jylda qurylys jumystary bastalady, – dedi Saparbek Tuıaqov.