Shyǵys Qazaqstan oblysynda búırektiń qaterli isigine robottandyrylǵan ota jasaldy, – dep Qamshy.kz aqparat agenttigi habarlaıdy, oblystyq kóp salaly onkologıa jáne hırýrgıa ortalyǵynyń baspasóz qyzmetine silteme jasap.

Oblystyq kóp salaly onkologıa jáne hırýrgıa ortalyǵynyń onkolog dárigerleri onkoýrologıada robottandyrylǵan hırýrgıany engizdi. Óńirde ǵana emes, Qazaqstanda tuńǵysh ret búırektiń qaterli isigine robottandyrylǵan ota jasaldy.

"Robottandyrylǵan adrenalektomıa 64 jastaǵy naýqasqa jasaldy. Ol oń jaq búırektiń qaterli isigine shaldyqqan. 40 mınýtqa sozylǵan otany dáriger Hýsan Ómirzaqov pen onyń asıstentteri Asqar Ibraev jáne Saıan Saǵıdýllın jasady. Qazirgi ýaqytta emdelýshiniń jaǵdaıy qanaǵattanarlyq", – dep ortalyqtyń baspasóz qyzmeti málim etti.

Adrenalektomıa – óte kúrdeli hırýrgıalyq ota. Organnyń gormanaldy-belsendi isikteri kezinde jasalady. Mundaı qaterli isik ishki sekresıa men zat almasýdyń buzylýyna, gıpertenzıaǵa jáne basqa da qaýipti jaǵdaıǵa alyp kelýi múmkin. Ota kezinde bezdi organǵa jasalatyn manıpýlásıalardyń qyr-syryn bilýmen qatar, endokrınologıalyq ózgeristerdiń erekshelikterin de jete bilý qajet.