Májilistiń jalpy otyrysynda "Pedagog mártebesi týraly" zań jobasy birinshi oqylymda maquldandy, – dep habarlaıdy Qamshy.kz aqparat agenttigi. 

"Bul zań jobasy Elbasy Nursultan Nazarbaevtyń tapsyrmasymen ázirlendi jáne Memleket basshysy Qasym-Jomart Toqaevtyń bilim salasyna qatysty alǵa qoıǵan mindetterin júzege asyrýǵa baǵyttalǵan. Sondyqtan ekinshi oqylymǵa deıin taǵy da jan-jaqty tolyqtyryp, pedagogtyń barlyq talaptaryna saı keletin sapaly qujat qabyldaımyz dep senim bildiremin", –  dep májilis tóraǵasy Nurlan Nyǵmatýlın málim etti.

Eske salsaq, jańa zań jobasy 4 baǵytty qamtıdy.

Birinshi – ustazdardyń quqyqtaryn keńeıtý jáne ózine tán emes jumystan bosatý, júktemesin azaıtý bolsa, ekinshi –  muǵalim qyzmetine qoıatyn talaptardy kúsheıtý. Al úshinshi – materıaldyq emes tetikter jáne tórtinshi – materıaldyq yntalandyrý.