Ulttyq qaýipsizdik komıteti Qytaı azamattarynyń ustalǵany týraly habarlady, - dep habarlaıdy Qamshy.kz aqparat agenttigi departamenttiń baspasóz qyzmetine silteme jasap.

"19 qarashada Qazaqstan Respýblıkasy Ulttyq qaýipsizdik komıtetiniń Atyraý oblysy boıynsha departamenti Atyraý qalasynyń mamandandyrylǵan tergeý sotynyń sanksıasymen eki Qytaı azamatyn UQK ýákiletti qyzmetkerine 2 mıllıon teńge kóleminde para bergen kezde ustady jáne tergeý ızolátoryna qamady", - delingen habarlamada. 

Atyraý qalasynda eńbek qyzmetimen zańsyz aınalysqan sheteldikke qatysty sottaǵy ákimshilik is qaraý kezinde olardyń para alǵany rastaldy. 

"Sonymen qatar, para bergen adam Qytaı azamattaryna odan ári jalpy qamqorshylyq úshin aı saıyn 200 myń teńge kóleminde aqshalaı syıaqy usynǵan. Ustalǵandar óz kinásin moıyndady",-dedi UQK-niń baspasóz qyzmetiniń ókili.