Nur Otan partıasy Almaty qalalyq fılıaly partıa aktıviniń otyrysynda partıa kóshbasshysy, Elbasy N.Nazarbaevtyń tapsyrmasy boıynsha partıany qaıta jańǵyrtý máseleleri qaraldy.

Almaty ákimi, Nur Otan partıasy qalalyq fılıalynyń tóraǵasy Baqytjan Saǵyntaev Elbasynyń 25 qarashada Nur Otan partıasy óńirlik fılıaldary ókilderimen kezdesý ótkizgenin eske saldy. Partıayq qaıta jańǵyrýdyń mańyzdy máseleleri, onyń ishinde pármendi elektoratty qurý, praımerız júrgizý, partıalyq jobalardy júzege asyrý, máslıhattardyń rólin jáne depýtattyq fraksıalardyń jumystaryn kúsheıtý máseleleri qaraldy ári talqylandy.

«Partıanyń qalalyq fılıaly qaıta jańǵyrtý, halyqty tolǵandyratyn aktýaldy máselelerdi qaraý boıynsha júıeli jumystar júrgizýde. Sonymen qatar, bastaýysh partıa uıymdary men Jas Otan jastar qanaty belsendilik tanytýda, Elbasymen bolǵan keńeste jergilikti jerdegi halyq jıi keletin segiz aýdandaǵy biz qurǵan konsýltatıvti ortalyqtardyń jumystary atap ótildi», – dedi B. Saǵyntaev.

Partıalyq jańǵyrtý aıasynda júrip jatqan jumystar jóninde Nur Otan partıasy qalalyq fılıaly tóraǵasynyń orynbasary Stanıslav Kankýrov tolyǵynan aıtyp berdi. Bulardan ózge, qalalyq máslıhattyń, depýtattyq fraksıalardyń, bastaýysh partıa uıymdarynyń jumystary týraly baıandamalar tyńdaldy.

Aktıvtiń jumysyna Nur Otan partıasy qalalyq fılıaly saıası keńesiniń jáne depýtattyq fraksıalardyń músheleri, partıanyń aýdandyq fılıaldary men bastaýysh uıymdarynyń basshylary, partıalyq baqylaý komısıasynyń, sybaılas jemqorlyqqa qarsy is-qımyl jónindegi Qoǵamdyq keńestiń jáne partıanyń qalalyq fılıaly baqylaý-tekserý komısıasynyń músheleri qatysty.