Irak túrmesinen 14 qazaqstandyq bala elge qaıtaryldy, – dep habarlaıdy Qamshy.kz aqparat agenttigi, syrtqy İster mınıstrliginiń baspasóz qyzmetine silteme jasap.

Memleket basshysy Qasym-Jomart Toqaevtyń tapsyrmasy boıynsha júzege asyrylǵan gýmanıtarlyq aksıa nátıjesinde Qazaqstanǵa Irak túrmesinde óz analarymen jatqan 14 qazaqstandyq bala qaıtaryldy. Qazirgi tańda olardyń analary sottalyp, túrmede terorıstik áreketke qatystylyǵy úshin jazasyn ótep jatyr.

Gýmanıtarlyq aksıa balalardyń analary men týǵan-týystarynyń suraýy boıynsha Syrtqy ister mınıstrligi birqatar memlekettik organdarmen, otandyq úkimettik emes qurylymdarmen jáne halyqaralyq uıymdarmen tyǵyz  baılanysa otyryp júzege asyrdy.

Qujattandyrý úderisi men ońaltý kezeńi aıaqtalǵannan keıin balalar óz týystarymen qaýyshady.

"Iraktyń bıligine jáne osy aksıany júzege asyrýǵa atsalysqan barlyq tulǵalar men uıymdarǵa kórsetken kómegi men qoldaýy úshin shynaıy alǵysymyzdy bildiremiz", – dep  syrtqy ister mınıstriniń orynbasary Erjan Ashyqbaev aıtty.