Bul – megapolıstiń on aıynyń qorytyndysy boıynsha kórsetkish.

Qalalyq Strategıa jáne búdjet basqarmasynyń málimetine sáıkes, ótken jylmen salystyrǵanda ónerkásip 5,1%-ǵa, ınvestısıa 3,1-ǵa ósken. Qala turǵyndarynyń tabystarynyń ósýi baıqalady.

Úshinshi toqsanda ortasha aılyq kólemi 220 myń teńgeden asty. İskerlik belsendiliktiń ósýi jáne tutyný suranysynyń qalpyna keltirilýi týraly bólshek jáne kóterme saýdadaǵy taýar aınalymynyń kólemi tıisinshe, 11,8%-ǵa (2 801,8 mlrd.teńge) jáne 1,3%-ǵa (9 036,9 mlrd. teńge), qurylys 3,2%-ǵa ósýi baıqalady.

Turǵyn úıdi paıdalanýǵa berý 8,8%-ǵa artty (1 552,5 myń sharshy metr). Ekonomıkadaǵy oń úrdister memlekettik búdjetke salyq túsimin 11,8%-ǵa (1 659,3 mlrd. teńge) ósýin qamtamasyz etýge oń áserin tıgizdi. Sonyń ishinde respýblıkaǵa 13,7%-ǵa, jergilikti deńgeıde 5,5%-ǵa artyq. Bul ótken jylmen salystyrǵanda kóp.

Negizgi 6 salanyń (ónerkásip, aýyl sharýashylyǵy, qurylys, saýda, kólik, baılanys) damý serpinin qamtıtyn qysqa merzimdi ekonomıkalyq ındıkatordyń on aıdaǵy qorytyndysy 104,9%-dy qurady. Bul respýblıkalyq deńgeıden (104,7%) artyq.

Strategıa jáne búdjet basqarmasynyń basshysy Nurtas Qaıyrovtyń aıtýynsha, qarajatty ishki qaıta bólý esebinen 8,8 mlrd teńge ınvestısıalyq jobalar men is-sharalardy júzege asyrýǵa baǵyttalǵan. Atap aıtqanda, bilim berýge – 594,6 mln teńge, áleýmettik ál-aýqatqa – 2,1 mlrd teńge, mádenıetke – 2,1 mlrd teńge jáne basqa da mańyzdy baǵyttar bar.