Toqaev Germanıaǵa resmı saparmen barady

/image/2019/12/04/crop-176_46_650x867_news_full1563779165d395e953b474c23226ef16c6246dc4c3.jpg

Bıylǵy 5-6 jeltoqsanda Qazaqstan Prezıdenti Qasym-Jomart Toqaev Germanıa Federatıvtik Respýblıkasyna resmı saparmen barady dep jazady Qamshy.kz aqparat agenttigi. Bul týraly Toqaevtyń baspasóz hatshysy Berik Ýálı habarlady. 

"Sapar barysynda Kansler Angela Merkelmen kelissóz júrgiziledi jáne Qazaqstan men Germanıa arasyndaǵy ekijaqty ózara qarym-qatynastardyń qazirgi jaǵdaıy men damý perspektıvalaryn qarastyrady dep josparlanǵan. Sapar baǵdarlamasyna Memleket basshysynyń Prezıdent Frank-Valter Shtaınmaıermen jáne Býndestag tóraǵasy Volfgang Shoıblemen kezdesýi engizilgen.

Qasym-Jomart Toqaev 6 jeltoqsanda Berlınde kórnekti saıası jáne qoǵam qaıratkerleriniń, Germanıanyń memlekettik organdary ókilderiniń, «Germanıa – Ortalyq Azıa» parlamenttik dostyq toby músheleriniń aldynda sóz sóıleıdi, Berlın eýrazıalyq klýbynyń 28-otyrysyna qatysady. Sondaı-aq, nemis kompanıalarynyń basshylarymen kezdesý ótkizedi", - dep jazdy Berik Ýálı.

Pikir qaldyrý

Qatysty Maqalalar