Prezıdent Q.Toqaev "Nemsova. Intervú" baǵdarlamasyna suhbat berdi, dep jazady Qamshy.kz aqparat agenttigi dw.com saıtynyń deregin negizge alyp. Suhbat barysynda jýrnalıs prezıdentiń Nazarbaevpen qarym-qatynasy qandaı ekenin surady . 

"Nursultan Nazarbaev QR-nyń negizin qalaýshy, bizdiń "ákemiz" sekildi. Elbasy retinde zor qurmetke laıyq. Men zańdy túrde saılanǵan prezıdent, memleket basshysy, joǵarǵy bas qolbasshymyn. Bizdiń aramyzda eshqandaı qarama-qaıshylyq joq. Bir-birimizben aqyldasa otyryp sheshim qabyldaıtynymyzdy, meniń elbasydan keńes suraıtynymdy jasyrmaımyn. Bul jerde qos bılik joq", - dedi Toqaev. 

Sondaı-aq Toqaev elordanyń ataýyn ózgertýge qatysty de pikir bildirdi. 

"Ol elimizdiń negizin qalaýshy ákesi. Biz onyń eńbegi men atqarǵan jumysyna laıyq baǵa berip, qurmet kórsetýimiz kerek. Bul jerde artyq eshteńe joq. Nazarbaevtyń ózi qalanyń nemese basqa da obektilerdiń ataýyn ózgertýge qarsy boldy", - dep pikir bildirdi prezıdent.