Aqparat jáne qoǵamdyq damý mınıstri Dáýren Abaev Ýkraınanyń SİM-ge jaýap berdi dep jazady Qamshy.kz aqparat agenttigi. 

Eske salsaq, Qasym-Jomart Toqaev Qyrymnyń Reseımen qosylýyn aneksıa dep sanamaıdy. QR Aqparat jáne áleýmettik damý mınıstri Dáýren Abaev Ýkraına SİM-niń jaǵymsyz reaksıasyna jaýap berdi. 

"Reseı men Ýkraına arasyndaǵy teketirestiń bolýy jáne janjaldyń órshýi kez-kelgen jaǵdaıda Qazaqstan úshin qolaısyz. Eki halyq bizge birdeı baýyrmal. Orystar da, ýkraındar da bir-birimen baýyrlas halyqtar, muny Reseı de, Ýkraına da moıyndaıdy. Sol sebepti eki eldiń tez arada beıbit kelisimge kelýine biz múddelimiz", - dedi Dáýren Abaev "Ashyq dıalog" baǵdarlamasyna bergen suhbatynda. 

Abaevtyń aıtýynsha, bul jerde "sen bizben bolasyń nemese sen bizge qarsysyń" degen qaǵıda basym. 

"Bolashaq kelissózderge zıan tıgizbeýge, teńdestirilgen ustanym berýge baǵyttalǵan kez-kelgen áreket teris qabyldanady. Shyndyǵynda, biz sózder men ıntonasıalardyń aınalasyndaǵy ısterıanyń tutqynyna aınalamyz. Bizdiń prezıdent naǵyz dıplomat retinde aneksıany jazý óte qıyn ekenin tilge tıek etti. Ol aıyptamady, qoldaý bildirmedi. Qasym-Jomart Kemeluly, mundaı sózderdiń qunyn jaqsy túsinetin adam retinde kategorıalyq tujyrymdardy qoldanbady", - dep túsindirdi Dáýren Abaev. 

"Árıne, mundaı alyp-satarlardyń arasynda bizdiń eldiń alǵa tartqan beıbitshilik bastamalary umyt qalatyny ókinishti. Jaqynda biz Reseı men Ýkraına kóshbasshylary arasyndaǵy kelissózder alańyn usyndyq. Bul bizdiń máselege degen shynaıy kózqarasymyzdyń dáleli", - dep sózin túıindedi Abaev.