Qazaqstan prezıdenti Qasym-Jomart Toqaevtyń nemistiń Deutsche Welle tilshisine bergen suhbaty qoǵamda áli ártúrli pikir týǵyzyp jatyr. Atalǵan suhbatta Qazaqstan memleketiniń basshysy «Reseı men Qyrymyń qosylýyn aneksıa dep ataýǵa kelmeıdi» degeni belgili.  

–Aneksıa sózin  Qyrymǵa qatysty qoldaný aýyr –degen bolatyn Qasym-Jomart Toqaev.

–Basqalarmen qarym-qatynas  prınsıpindegi «abyroı», «ar-namys» sózi Qazaqstan memleketi basshysynyń pisip-jetilgen, batyl jáne shynaıy pozısıasyn kórsetedi. Al kezinde óz tańdaýyn jasaǵan Qyrym halqy mundaı kózqarasty joǵary baǵalaıdy. Sondyqtan Eýropa elderiniń basshylaryn Qazaqstan lıderi Toqaev, Nyǵmatýlın jáne Nazarbaevtan úlgi alýǵa shaqyramyn,– dedi RIA Novostı portalyna bergen suhbatynda   Qyrym Respýblıkasynyń burynǵy bas prokýrory, búginde Reseı Memlekettik Dýmasynyń depýtaty bolyp otyrǵan Natalá Poklonskaıa.

Eskerte keteıik, prezıdent Toqaevtyń pikirine qatysty Ýkraına Syrtqy ister mınıstrligi osy eldegi Qazaqstan elshisin shaqyryp alyp, pikirdi talqyǵa salǵany belgili. Sondaı-aq olar narazylyǵyn da bildirdi. Al Reseı jaǵy  Toqaevtyń pikirine qýanyp, qoldap, qýattap jatyr.