Prezıdenttiń keńesshisi Erlan Qarın qoǵamda qyzý talqyǵa túsken jaıtqa baılanysty pikir bildirdi dep jazady Qamshy.kz aqparat agenttigi. Bul týraly ol óziniń Telegram kanalyna jazdy. 

"Biz áli kúnge deıin provınsıalyq oılaýda zardap shegip kelemiz. Bul bizdiń ishki jáne syrtqy saıası taqyryptardy talqylaýymyzdan kórinip turady. Ulttyq múddelerimizge, bizdiń sarapshylar aýdıtorıasyna paıdaly nemese kerisinshe, paıdaly emes degen máseleni kóterýdiń ornyna, kóbinese basqalardyń biz týraly ne oılaıtynyn, qalaı qabyldaıtynyn mańyzdy dep eseptep, renjı me, renjimeı me dep oılanamyz. Kópshilik ózge eldiń syrtqy ister mınıstrligi demarsh daıyndap, elshini shaqyrǵany týraly aqparatty oqyp dúrligip jatyr. Notalar, demarshtar – bul dıplomatıalyq tártip. Sondaı-aq odan tragedıa jasaýdyń qajeti joq. Shyn máninde, bul bizdi tolǵandyrýy tıis, biz pragmatık bolýymyz kerek. Birinshi kezekte, óz múddelerimizdi kózdeýimiz kerek jáne basqalardyń pikirine erý, barlyǵyn birdeı qýantýǵa tyrysý orynsyz" , - dep jazdy Erlan Qarın.