QR UQK-nyń Almaty qalasy boıynsha departamenti prokýratýra organdarymen birlesip, "Olımp" býkmekerlik keńsesi ákimshiliginiń zańsyz oıyn bıznesin uıymdastyrý faktisi boıynsha sotqa deıingi tergeý júrgizýge bastamashy boldy. Bul týraly komıtettiń baspasóz qyzmeti habarlady.
Tergeý derekteri boıynsha, kompanıa Qazaqstan Respýblıkasynyń qoldanystaǵy zańnama normalaryn buza otyryp, belgili bir tabys tabýmen ınternet-resýrs arqyly lısenzıalanbaǵan áreketti júzege asyrǵan. Tıisinshe, osy salaǵa salyq salynbaǵan.
Qazaqstan sheginen tys aqshalaı qarajatty zańsyz shyǵarý arnalary anyqtalyp, oqshaýlandy. Qarjy qylmystary salasyna jatatyn ózge de áreketter tirkelýde.
2019 jylǵy 29 qarashada Almaty qalasy mamandandyrylǵan aýdanaralyq ákimshilik soty "Olımp" saýda belgisimen «Only bet» JSHS jáne «Alpha bet» JSHS berilgen lısenzıa qoldanysyn 6 aı merzimine toqtatty.
Qazirgi ýaqytta «Olımp» býkmekerlik keńsesi zańsyz áreketiniń, sondaı-aq salyq zańnamasyn buzýdyń naqty aýqymyn anyqtaý boıynsha tergeý is-sharalary júrgizilýde.
Pikir qaldyrý