Búgin, 12 jeltoqsanda Táýelsizdik merekesine oraı birqatar azamattardy memlekettik nagradamen marapattaý týraly jarlyqqa qol qoıǵan Qazaqstan prezıdenti Qasym-Jomart Toqaev eldiń eks-prezıdenti Nursultan Nazarbaevtyń áıeli Sara Nazarbaevany İ dárejeli "Barys" ordenimen marapattady. 

Sara Nazarbaevadan bólek bul ataqty parlament májilisiniń depýtaty S.Abdrahmanov, ǵalym jáne qoǵam qaıratkeri Á.Ahmetov, jazýshy T.Ábdikuly, Qazaqstan Respýblıkasynyń Tuńǵysh Prezıdenti – Elbasy Keńsesiniń basshysy M.Qasymbekov, «M. Áýezov atyndaǵy Ońtústik Qazaqstan memlekettik ýnıversıteti» RMK bas ǵylymı qyzmetkeri M.Myrzahmetuly opera ánshisi B.Tólegenova aldy.

Sara Nazarbaeva - Qazaqstandy úzdiksiz 30 jylǵa jýyq basqaryp, bıylǵy jyly naýryz aıynda óz erkimen prezıdent laýazymynan ketken Nursultan Nazarbaevtyń áıeli. Ol "Bóbek" qaıyrymdylyq qorynyń negizin qalaǵan.