Búgin, 16 jeltoqsan kúni tústen keıin Almatydaǵy "Respýblıka" alańy mańynda azamattar sherý ótkizdi. Olar aldymen Sátbaev kóshesiniń boıymen Táýelsizdik monýmentiniń aldyna deıin sherýletip keldi. Sol mańda sherýshiler qazirgi bılikti synyp, "Shal, ket!", "Shal, ket!" dep urandatty.

Sherýge shyqqan azamattardyń qolynda "Nazarbaevsyz Qazaqstan", "Murager men Qasterge saıası baspana berýdi talap etemiz" jáne taǵy da basqa jazýy bar plakattar boldy. 

Almaty qalalyq prokýrotýrasynyń ókili "Azamattar bul jıyndaryńyz zańsyz. Taraýlaryńyzdy ótinemiz. Taramaǵan jaǵdaıda shara qoldanatynymyzdy eskertemiz" dedi. Prokýratýra ókili eskertý jasaı bastaǵanda azamattar onyń sózin tyńdamaı "Shal, ket!" dep urandata jóneldi. 

Al tústen keıin 15.30 shamasynda Táýelsizdik monýmentiniń mańyn tastap, Jeltoqsan kóshesi boıymen tómen qaraı "Shal, ket!", "Oıan, Qazaqstan!" dep urandatqan azamattardy polsıa ustaı bastady.

16 jeltoqsanda túske deıin "Respýblıka" alańynda belsendiler Jeltoqsan jáne Jańaózen oqıǵasy qurbandaryn eske alyp, quran baǵyshtady.