Memleket basshysynyń Ókimimen Mádına Erasylqyzy Ábilqasymova Qazaqstan Respýblıkasy Ulttyq Banki Tóraǵasynyń orynbasary qyzmetinen bosatyldy dep jazady Qamshy.kz aqparat agenttigi Aqordanyń deregin negizge alyp. 

Mádına Erasylqyzy Ábilqasymova Qazaqstan Respýblıkasynyń Qarjy naryǵyn retteý jáne damytý agenttiginiń Tóraǵasy bolyp taǵaıyndaldy.

Mádına Ábilqasymova 1978 jyly 1 tamyzda Almaty qalasynda dúnıege kelgen.

1999 jyly Qazaq memlekettik basqarý akademıasyn "halyqaralyq ekonomıkalyq qatynastar" mamandyǵy, 2003 jyly Kolýmbıa ýnıversıtetiniń magıstratýrasyn "ekonomıkalyq saıasatty basqarý" mamandyǵy boıynsha, al 2011 jyly Garvard ýnıversıtetiniń Kennedı atyndaǵy memlekettik basqarý mektebin (memlekettik basqarý magıstri) támamdaǵan.

• 1999-2001 jyldary – Strategıalyq josparlaý agenttiginiń bas mamany;
• 2003-2004 jyldary – Ekonomıka jáne búdjettik josparlaý mınıstrligi strategıalyq josparlaý basqarmasynyń basshysy;
• 2004-2006 jyldary – "Marketıńtik-taldamaly zertteýler ortalyǵy" AQ memlekettik saıasatty taldaý departamentiniń dırektory;
• 2006-2008 jyldary – QR premer-mınıstri keńsesi áleýmettik-ekonomıkalyq bólimi meńgerýshisiniń orynbasary;
• 2008-2011 jyldary – prezıdent ákimshiligi strategıalyq ázirlemeler jáne taldaý ortalyǵy meńgerýshisiniń orynbasary;
• 2011-2013 jyldary – ekonomıkalyq damý jáne saýda vıse-mınıstri;
• 2012 jyldan bastap Dúnıjúzilik banktiń Qazaqstandaǵy basqarýshysynyń orynbasary;
• 2013-2014 jyldary – ekonomıka jáne búdjettik josparlaý vıse-mınıstri;
• 2014 jyldyń tamyzynan 2018 jyldyń aqpanyna deıin – ulttyq ekonomıka vıse-mınıstri;
• 2018 jyldyń 9 aqpanynan 2019 jyldyń 25 aqpanyna deıin eńbek jáne halyqty áleýmettik qorǵaý mınıstri qyzmetin atqardy.