Bul týraly Ulttyq qoǵamdyq senim keńesiniń ekinshi otyrysy barysynda prezıdent Q.Toqaev aıtty, dep jazady Qamshy.kz aqparat agenttigi Vlastbasylymyna silteme jasap.
Onyń aıtýynsha, sheteldik jumys kúshine beriletin kvota sharttary týraly ereje keler jyly qaralady. Sondaı-aq jumysqa jergilikti kadrlardy kóptep tartý talaby kúsheıtiledi.
Sheteldik jumys berýshiler tarapynan azamattardy kemsitýge jol berilmeýi tıis ekenin aıtqan prezıdent qarasha aıynda sheteldik jumys kúshin paıdalanyp otyrǵan kásiporyndar tekserilgenin málim etti. Baqylaý barysynda 95 kompanıa jumysy tekserilip, 930 zań buzýshylyq anyqtalǵan. Zań buzýshylyqtardyń deni sheteldik jumysshyǵa el aýmaǵynda qyzmet etýge ruhsat berýge qatysty bolǵan.
Enetin ózgeriske saı 2020 jyly sheteldik jumys kúshin 29 myńǵa deıin qysqartý josparlanǵan.
Sondaı-aq jumysshylarynyń 30 paıyzyn sheteldikter quraıtyn 250 adam eńbek etetin kásiporyndar jıi tekserilip turmaq.
Budan bylaı eńbek jáne áleýmettik qorǵaý mınıstrligi eńbek daýyna qatysty kez kelgen máselege dereý kóńil bólip, túıitkildiń qordalanyp qalmaýyna jol bermeıtini málimdeldi.
Pikir qaldyrý