Oblys ákimdiginiń jastar saıasaty máseleleri basqarmasynyń uıymdastyrýymen «Balqaragai» fıto-barda ótken sharada úzdik jastar «Áýlıeata úmiti» oblystyq jastar syılyǵynyń on bes nomınasıasy boıynsha marapattaldy. «SENIM! EŃBEK! JETISTIK!» forým aıasynda ótken sharaǵa aımaq basshysy Asqar Myrzahmetov arnaıy qatysyp, izgi lebizin bildirdi.

«Áýlıeata úmiti» oblystyq jastar syılyǵy – oblys jastarynyń azamattyq jáne qoǵamdyq-saıası belsendiligin arttyrý, oblys jastarynyń bilim, ǵylym, óner, mádenı, shyǵarmashylyq deńgeıiniń artýyna jáne óńirdegi jastar saıasatyndaǵy ózin-ózi basqarý júıesin qalyptastyrýǵa jaǵdaı jasaı otyryp, ártúrli salada jetistikke jetken jáne qoǵamdyq ómirde belsendi bolǵan jastardy qoldaý maqsatyna negizdeldi.

Komısıa sheshimi boıynsha «Úzdik jas memlekettik qyzmetshi» nomınasıasy boıynsha J.Amanbaı, «Úzdik jas baspa jýrnalıs» nomınasıasy boıynsha J.Ahmetov, «Úzdik jas telejýrnalıst» nomınasıasy boıynsha M.Baet, «Úzdik jas medısına qyzmetkeri» nomınasıasy boıynsha M.Jýmataev, «Úzdik jas muǵalim» nomınasıasy boıynsha E.Jumadılov, «Úzdik jas mýzykant» nomınasıasy boıynsha E.Jumat, «Úzdik jas ǵalym» T.Imanalıev, «Úzdik jas quqyq qorǵaý salasynyń qyzmetkeri» nomınasıasy boıynsha M.Kókrekbaev, «Qoǵamdyq qyzmettegi úzdik belsendi jas» nomınasıasy boıynsha T.Kópbergen, «Úzdik jas aıtysker aqyn» nomınasıasy boıynsha N.Qurmanov, «Úzdik jas kásipker» nomınasıasy boıynsha E.Omarov, «Úzdik jas jazba aqyn» nomınasıasy boıynsha N.Satymqul, «Teatr jáne kıno salasynyń úzdik jas akteri» nomınasıasy boıynsha B.Tajımýratov, «Úzdik jas sportshy» nomınasıasy boıynsha Q.Turǵanbek, «Úzdik jumysshy jas» nomınasıasy boıynsha E.Turǵanbek jeńimpaz dep tanyldy.

Aıta keteıik, «ÁÝLIEATA ÚMİTİ» oblystyq jastar syılyǵyn berý erejesine sáıkes, aǵymdaǵy jyldyń 20 qarashasy - 14 jeltoqsany aralyǵynda Jambyl oblysynyń 14 pen 29 jasqa deıingi jastary, halyqaralyq, respýblıkalyq jáne oblystyq jarystardyń, baıqaýlardyń, festıválder men kórmelerdiń laýreattary, júldegerleri, qoǵamdyq ómirge belsendi aralasqan, memlekettik jastar saıasatyn júzege asyrý jáne jetildirý boıynsha jańashyl bastamalar alyp kelgen, jeke basynyń jetistikteri bar, ózi qyzmet etetin salada jetistikke jetken oblys jastary arasynda baıqaý jarıalanǵan bolatyn.