Nur-Sultanda tuńǵysh respýblıkalyq STEM olımpıadasynyń qorytyndysy shyǵaryldy. Barlyǵy 4 nomınasıa boıynsha 36 jeńimpaz komanda anyqtaldy. Olımpıadany Nur-Sultan qalasynyń ákimdigi men «Astana  Innovations» AQ uıymdastyrdy. Konkýrsqa elimizdiń túkpir-túkpirinen 500-den astam oqýshyny quraǵan 140 komanda qatysty. «Inovasıalyq bilim olımpıadasy jyl saıyn ózindik rólin aıqyndaı túsedi. Al kelesi jyldan bastap halyqaralyq konkýrsqa aınalady», - deıdi «Astana Innovations» AQ basqarma tóraǵasy Arystan Qazjanov.

Bul is-shara ǵylymı jáne tehnıkalyq bilimniń damýyna zor áser etedi. Barlyǵy 4 nomınasıa boıynsha 36 jeńimpaz komanda anyqtaldy: 3D úlgileý, ınjenerlik matematıka, baǵdarlamalaý jáne jobalyq robototehnıka. Elordalyq №38 jáne №73 mektepteri, sondaı-aq Daryn MMI (Qaraǵandy qalasy) eń kóp nomınasıalarǵa ıe boldy.

Jeńimpazdar 3D prınter, noýtbýk, dron, robototehnıka jıyntyqtary, saýyqtyrý lagerine joldama sekildi túrli júldelerge ıe boldy.

Aıta keteıik, STEM – tehnıkalyq bilim berý salasyndaǵy sońǵy jetistikterdi qamtyǵan ınovasıalyq olımpıada. Olımpıada ınjenerıa, baǵdarlamalaý, robototehnıka jáne 3D úlgileý sekildi ǵylymdardan turady. Qazaqstanda STEM zerthanalary byltyrdan bastap ashyla bastady. Olardyń alǵashqysy elordadaǵy №41 mektepke ornatyldy. Al búginde elimizde 90-nan astam STEM zerthana jumys istep tur.

Túrkitildes jýrnalıser qory