Úkimet Qazaqstanǵa Dúnıejúzilik EKSPO kórmesine qatysý úshin 8,8 mıllıard teńge bóledi. Qazaqstan Respýblıkasynyń Qarjy mınıstri Álıhan Smaıylov 2020 jyly Dýbaıda ótetin kórmege elimizdiń qatysýy qanshalyqty mańyzdy ekenin túsindirdi.

"Birinshiden, memleket negizgi kapıtalǵa salynatyn ınvestısıalar kólemin, onyń ishinde tikeleı sheteldik ınvestısıalar kólemin 2025 jylǵa qaraı 24 mlrd. dollardan 34 mlrd. dollarǵa deıin ulǵaıtý maqsatyn qoıyp otyr. Iaǵnı, biz jyl saıyn Qazaqstanǵa tartylatyn sheteldik ınvestısıalar kóleminde qosymsha 10 mlrd. dollardy kóbeıtýdi josparlap otyrmyz. Bul úshin Dýbaıda kelesi jyldyń 6 aıynda, 2020 jyldyń 20 qazanynan 2012 jyldyń 10 sáýirine deıin ótetin Dúnıejúzilik kórmege qatysý óte mańyzdy", - dedi Smaıylov.

Onyń aıtýynsha, alty aıdyń ishinde búkil álemniń ınvestorlary Dúnıejúzilik kórmeniń ekspozısıasyna barady.

- "Múmkindikterá" taqyryptyq klasterinde Qazaqstannyń ulttyq pavılony bolady, oǵan álemniń ár túrli ınvestorlary qatysady. Qazaqstannyń ulttyq pavılonyn salýǵa jáne onyń jumys isteýin qamtamasyz etýge 8,8 mlrd. teńge (22 mln. AQSH dollary) bólindi.  Eger bizdiń pavılonǵa barý nátıjesinde Qazaqstanǵa qosymsha sheteldik ınvestısıalar tússe, bólingen aqsha jańa óndirister qurý arqyly, jańa jumys oryndary men búdjetke túsetin qosymsha salyqtar arqyly birneshe ret qaıtarylady. Sondyqtan oǵan qatysý óte mańyzdy - dedi Smaılov.