Kanadanyń Toronto qalasynda bolǵan oqys oqıǵadan eki oqýshy qaza taýyp, bireýi jaraqat aldy. Jergilikti bıliktiń habarlaýynsha, zardap shekkenderdiń biri Qazaqstandyq. Sondaı-aq 3 azamat ta Toronto qalasyndaǵy Centennial College-de oqyǵan. 

"Jol apatynan zardap shekkenderdiń barlyǵy sheteldik stýdentter. Olar demalys kezinde "Prgress" kompýsynda bolǵan", - dep málimdedi Centennial College-niń vıse-prezıdenti Merılın Herı. 

Jol apatynan zardap shekkenderdiń ekeýi Qytaıdan kelgen aǵaıyndy ekeni belgili boldy. Úshinshisi – 19 jastaǵy qazaqstandyq Damır Qusaıyn. 

Qazaqstandyq pen qytaılyq qaza tapty. 20 jastaǵy taǵy bir qytaı azamaty aýrýhanaǵa jetkizildi. Onyń jaǵdaıy tym aýyr. 

Jergilikti polısıa qyzmetkerleriniń aıtýy boıynsha, stýdentterdi jaıaý júrginshiler jolynan ótip bara jatqanda kólik qaǵyp ketken. Kólik júrgizýshisi joǵary jyldamdyqpen júrgendikten, kólikti basqara almaı qalǵan. 40 jastaǵy azamat ustaldy.