2019 jyldyń 19 jeltoqsanynda QR Sybaılas jemqorlyqqa qarsy qyzmeti Atyraý oblystyq Memlekettik kirister departamenti basshysyna qatysty qylmystyq is qozǵalǵany jaıynda aqparattyq habarlama taratqan.

Alaıda  QR Sybaılas jemqorlyqqa qarsy is-qımyl agenttiginiń Departamenti bul aqparatty joqqa shyǵardy dep jazady Qamshy.kz aqparat agenttigi zakon.kz saıtynyń deregin negizge alyp. 

QR Sybaılas jemqorlyqqa qarsy is-qımyl agenttigi Atyraý oblystyq Memlekettik kirister departamenti basshysyna qatysty jemqorlyq qalmysyn jasady degen kúdikpen sotqa deıingi tergeýdi bastady. Ol oblystyq MKD-niń janama salyqtar jónindegi basqarmasy basshysynan qyzmette ósirýge, jalpy qoldaý kórsetý ýádesi úshin talap etken 10 myń dollar paranyń 3 myń dollaryn alǵan degen kúdikke ilindi – delingen Agenttiktiń 19 jeltoqsandaǵy habarlamasynda.

QR Sybaılas jemqorlyqqa qarsy is-qımyl agenttiginiń Atyraý oblystyq departamenti Nurǵalı Tasmaǵambetovke qatysty eshqandaı qylmystyq isti tirkemegenin málimdedi.

- Departamentte joldanǵan saýalda aty atalǵan tulǵalarǵa qatysty sotqa deıingi tergeý tirkelmegenin, olarǵa qatysty tergeý áreketteri júrgizilmegenin habarlaımyz, - delinedi Departament basshysynyń orynbasary B.Uzynjastyń qoly qoıylǵan resmı jaýapta.