27 jeltoqsan kúni tańerteń Bek Air áýe kompanıasy Almatydan Nur Sultanǵa ushyp bara jatqan kezde apatqa ushyrady. Apattan aman qalǵan jolaýshy oqıǵanyń mán-jaıyn aıtyp berdi dep jazady Qamshy.kz aqparat agenttigi tengrinews.kz saıtynyń deregin negizge alyp.
"Men ushaqpen jıi ushamyn. 07.05-te ushaq ushýy kerek edi. Biraq bul joly qandaı da bir sebeptermen ýaqytyly ushpady. Bizge qaýipsizdik erejeleri túsindirgende, uıyqtap qalǵanmyn. Sebebi "keshigip qalamyn" dep túni boıy uıyqtamadym. Ushaq bıiktikke kóterile bastaǵanda ǵana oıandym. Ushaq eki ret kóterilip, bıiktikti joǵaltqan eken.
Sodan keıin qozǵaltqyshtan ba, álde basqa jerden be bilmeımin" qorqynyshty dybys shyqty. Ushaq qısaıǵan kúıi ushyp ketti. Bári fılmdegideı boldy: adamdar aıqaılap, jylap jatty. Men munyń bárin bir aýyz sózben aıta almaımyn. Óte qorqynyshty. Keıin ushaq soǵyldy. Meniń aldymdy temir jaýyp, shyǵa almaı qaldym. Bireýler: «Shyǵyńdar!» - dep aıqaılady. Men sol kezde únsiz qaldym. Sóıleı almaı qaldym. Ushaqtyń qanatyn basyp, shyqqanym esimde. "Ushaq jarylýy múmkin" dep aıǵaılady. Munyń bári tús sekildi", - deıdi aman qalǵan jolaýshy.
Eske salsaq, búgin tańda Almatydan Nur-Sultan qalasyna ushyp shyqqan ushaq radardan joǵalyp ketkeni habarlanǵan. Áýejaı baspasóz qyzmetiniń málimetinshe Almatydan Nur-Sultan qalasyna 2100 reısimen 07:05-te ushyp shyqqan «Bek Eır» áýe kompanıasynyń ushaǵy radardan joǵalyp ketti. Bortta 95 jolaýshy jáne 5 ekıpaj múshesi bolǵan.
