Bul týraly Jeńis Quspan atty facebook qoldanýshysy óziniń paraqshasynda jazyp, talap qoıǵan bir top adamnyń vıdeosyn jarıalady.

"Bizder, atyraýlyqtar, Maks Boqaevtyń densaýlyǵyna alańdaýlymyz. Maks Bokaev óziniń jerin qorǵaımyn dep, jerim sheteldikterge satylmasyn degeni úshin bes jylǵa sottalyp, qazir Aqtóbe kolonıasynda otyr. Bizge jetken aqparat boıynsha Maks Boqaev densaýlyǵy nasharlap, aıaǵyn basa almaı qalypty. Biz Maks Bokaevqa sapaly emdeý talap etemiz. Qalaǵa shyǵaryp, emdeýdi talap etemiz. Sonymen qatar Maks Boqaevqa bostandyq talap etemiz" deıdi vıdeo joldaýshylar.

Maks Boqaev 2016 jyly 24 sáýirde "jer máselesi" boıynsha sherýge shyqqannan keıin "buqaralyq sharada jalǵan aqparat taratý", "áleýmettik, ulttyq, rýlyq, násildik, taptyq nemese dinı alaýyzdyq týdyrý" jáne "jınalys, mıtıń, pıket, sherý, demonstrasıa ótkizýdiń tártibin buzý" baptary boıynsha bes jylǵa sottalǵan.